शिक्षण सप्ताह उत्साहात, चांदापूर हेटी येथे विविध उपक्रमांनी साजरा
मूल (अमित राऊत)
जिल्हा परिषद प्राथमिक शाळा चांदापूर हेटी येथे दिनांक २२ जुलै २०२४ पासून शिक्षण सप्ताहाचे आयोजन करण्यात आले होते .
पहिल्या दिवशी शैक्षणिक साहित्य निर्मिती व प्रदर्शनी घेण्यात आली. दुसऱ्या दिवशी पायाभूत साक्षरता व संख्याज्ञान दिवस साजरा करण्यात आला यामध्ये जादुई पेटाऱ्यातील शैक्षणिक साहित्यांची प्रदर्शनी भरविण्यात आली . तिसऱ्या दिवशी क्रीडा दिवस साजरा करण्यात आला यामध्ये फुगडी , कबड्डी, लगोरी, आंधळी कोशिंबीर हे देशी खेळ तर सापशिडी, लुडो हे इनडोअर खेळ घेण्यात आले . चौथ्या दिवशी सांस्कृतिक दिवस साजरा करण्यात आला यामध्ये गावातील दंडार , भजन व नाटय कलाकारांना शाळेत बोलावून त्यांची मुलाखत घेण्यात आली. त्याचप्रमाणे विद्यार्थ्यांची वैयक्तिक नक्कल , वैयक्तिक गायन, सामुहिक नृत्य , वैयक्तिक नृत्य व वेशभूषा उपक्रम घेण्यात आला . पाचव्या दिवशी कौशल्य व डिजीटल दिवस साजरा करण्यात आला . यामध्ये विद्यार्थांच्या कला कौशल्याला व गावातील कुशल कामगार यांची मदत घेऊन मातकाम, बागकाम व इतर धंदे विषयी माहिती जाणून घेतली व डिजीटल वस्तूंची ओळख व हताळणी घेण्यात आली . सहावा दिवस इको क्लब साजरा करण्यात आला व विविध झाडांची लागवड करून झाडांना मुनांचे नाव देण्यात आले . शेवटचा दिवस शैक्षणिक उत्कृष्ठतेचा उत्सव ( विघ्यांजली ) उपक्रम साजरा करण्यात आला व स्वयंसेवक नियुक्त करून त्यांच्याकडून विद्यांजली लोगो तयार करण्यात आले . व पालकांना आमंत्रित करून तिथी भोजन समूह भोजन करण्यात आले .
या सात दिवशीय उपक्रमासाठी मुख्याध्यापक दिलीप भुरसे व सहाय्यक शिक्षक नंदकिशोर शेरकी यांनी परिश्रम घेतले .
0 Comments