आधारभूत धान खरेदी नोंदणीची मुदत १५ दिवस पर्यंत वाढऊन द्यावी - सभापती राकेश रत्नावार
शासनाने मूल येथे देण्यात येणारे आधारभूत धान खरेदी केंद्र सुरवातीला नवरगाव येथे देण्यात आले होते. त्यामुळे मूल तालुक्यातील शेतकऱ्यांची चांगलीच धावपळ सुरू झाली. सी.डी सी.सी.बँकेचे अध्यक्ष संतोष रावत यांनी राज्याचे विरोधी पक्ष नेते आमदार विजय वडेट्टीवार यांचेकडून मुल येथे आधारभूत खरेदी केंद्र मंजूर केले. उशिरा सुरू झालेली नोंदणी दिनांक ३० नोव्हेंबर २०२३ रोजी संपल्याने तालुक्यातील हजारो शेतकरी नोंदणी करण्यापासून वंचित राहण्याची पाळी आली होती.
यापूर्वी आकस्मिक अवकाळी पाऊस आल्याने मुल तालुक्यातील असंख्य शेतकऱ्यांचे धान कापून असल्याने पाण्यामुळे भिजून खराब झाले आहे. करीता ओले झालेल्या धानाला अतिशय कमी भाव मिळेल किंवा व्यापारी ते धान खरेदी करणार नाही. त्यामुळे शेकऱ्यावर संकट कोसळले होते. आकस्मिक पाऊसामुळे ओले धानाचे पीक वाचविण्याचा प्रयत्न करीत असल्याने शेतकऱ्यांना नोंदणी करण्यासाठी कृषी उत्पन्न बाजार समितीमध्ये येऊन नोंदणी करण्यासाठी वेळ मिळाला नाही. इकडे आड तिकडे विहीर अशी अवस्था मुल तालुक्यातील शेतकरी बांधवांची झाली होती. उशिरा नोंदणी सुरू केल्यामुळे मुदतीच्या आत तालुक्यातील हजारो शेतकऱ्यांची नोंदणी होऊ शकली नाही. त्यातही नोंदणी मोबाईलवर आनलाईन करुन घेतांना नेटवर्कचा मोठा प्रॉब्लेम आहे. म्हणून अजूनही हजार शेतकरी नोंदणी पासून वंचित आहेत.
कृषी उत्पन्न बाजार समितीमध्ये आजच्या तारखेत शेतकऱ्यांचे हजार अर्ज येऊन पडले असताना नोंदणी करण्याची मुदत ही ३१ डिसेंबर २०२३ ला संपत आहे. त्यामुळे हजार शेतकरी पुन्हा नोंदणी पासून वंचित राहण्याची दाट शक्यता असल्याचे कृषी उत्पन्न बाजार समितीचे सभापती राकेश रत्नावार यांनी शेकडो शेतकरी बांधवांसमोर सांगितले. यासाठी नोंदणी साठी राहून गेलेले शेतकऱ्यांसाठी परत १५ दिवसाची मुदत वाढ त्वरित देण्यात यावी अशी मागणी शेतकऱ्यांच्या हितासाठी कृषी उत्पन्न बाजार समितीचे सभापती राकेश रत्नावार यांनी चंद्रपूर जिल्हा मार्केटिंग अधिकारी यांचेकडे लेखी पत्राद्वारे केली आहे.
Basic paddy purchase
0 Comments