कळपा घेऊन जाणारा ट्रक पलटला, लाखोंचे नुकसान, चालक किरकोळ जखमी

कळपा घेऊन जाणारा ट्रक पलटला, लाखोंचे नुकसान, चालक किरकोळ जखमी

मूल (अमित राऊत)

घर बांधकामा करिता आवश्यक लागणाऱ्या कळपा घेऊन जाणारा ट्रक आकापूर वळणावर पलटला असून ट्रक चालक किरकोळ जखमी झाल्याची घटना आज शनिवारला दुपारी 4.30 वाजताच्या दरम्यान घडली.

गोंदिया वरून मूल मार्गे चंद्रपूर कडे एम. एच .35 के,8872 या क्रमांकाचा ट्रक घरघुती कामात लागणाऱ्या कळपा (फर्शी) घेऊन जात असताना आकापुर वळणावर ट्रक चालकाचा तोल गेल्यामुळे तो ट्रक पलटला. ट्रक मध्ये असलेल्या कळपांचा सडा संपुर्ण रस्त्यावर पडला होता. कळपा पूर्णपणे फुटल्याने लाखोंचे नुकसान झाले आहे.

घटनेची माहिती होताच परिसरातील नागरिकांनी बघण्याकरिता घटनास्थळी एकच गर्दी केली होती. मूल पोलीसही घटनास्थळी दाखल झाले असून ते या घटनेची पुढील चौकशी करीत आहे.