अतुल गण्यारपवार यांना मारहाण करणारे पोलिस निरीक्षकांवर कारवाईसाठी मूलचे तहसिलदारांना दिले निवेदन
मूल प्रतिनिधी
चामोर्शीचे राजकीय व सामाजीक नेते अतुल गण्यारपवार यांना केलेल्या अमानुष मारहाणीचा निषेध करीत, त्यांना मारहाण करणारे पोलिस निरीक्षक राजेश खांडवे यांचेवर कायदेशीर कारवाई करावी अशी मागणी मूल तालुका आर्य वैश्य महासंघाचे वतीने करण्यात आली. मूलचे तहसिलदार डॉ. रविंद्र होळी यांचे मार्फतीने शासनाला आज समाजाचे वतीने निवेदन देण्यात आले.
दिनांक २०/०४/२०२३ ला रोज गुरुवारला चामोर्शी कृषी उत्पन्न बाजार समितीचे माजी सभापती श्री. अतुल गंगाधरराव गण्यारपवार यांना चामोर्शी पोलीस स्टेशनचे पोलीस निरीक्षक राजेश खांडवे यांनी पहाटे ५.०० वाजता फोन करून पोलीस ठाण्यात येण्यास सांगीतले. त्याचेवर कोणताही गुन्हा नसतांना त्यांना अमानुष मारहाण केली. ही बाब अत्यंत अन्यायकारक आहे व घटनेच्या विरोधात असुन मानवी मुल्याची पायमल्ली करणारा प्रकार आहे. तरी सदर प्रकरणी पोलीस निरीक्षक राजेश खांडवे यांचेवर उचित कार्यवाही करून झालेल्या प्रकाराविषयी त्यांना तात्काळ बडतर्फ करण्यात यावे. तसेच घटनेला पाच दिवस पूर्ण झाले असून चामोर्शी पोलीस निरीक्षक श्री राजेश खांडवे यांचेवर कुठल्याही प्रकारची रितसर कार्यवाही करण्यात आलेली नाही याचा निषेध यावेळी आर्य वैश्य समाजबांधवानी केला.
याप्रकरणी पोलीस निरीक्षक राजेश खांडवे यांच्या कृतीचे समर्थन करता येत नाही व त्यामुळे पोलीस विभागाचे सामान्य माणसाला संरक्षण नसुन दहशत निर्माण होऊ शकते, याकडे निवेदनातून शासनाचे लक्ष वेधण्यात आले आहे.
निवेदन देतांना, अजय गोगुलवार, गणेश पडगेलवार, विजय सिध्दावार, निलेश रॉय, सुनिल गोगीरवार, विवेक तुंडूरवार, संजय चिटमलवार, संजय चिंतावार, अनिल तुंडूरवार, सुनिल तोटावार, जितेंद्र रायकंटीवार, राजु मार्तीवार, गजानन कोलप्याकवार, धनजंय चिंतावार आदी मान्यवर उपस्थित होते.
0 Comments