भाग्य आमचे 'मायबोली' आमची, जन्मत: च मराठीशी नाळ जोडती

मराठी राजभाषा दिनानिमित्त शुभेच्छा

'मायबोली मराठी'

© माधुरी लेनगुरे

💫 नक्षत्र

शब्दा-शब्दात अमृत रसपान.

भाव-फुलांची सजली परडी छान.

आईचे ममत्व अक्षरात पुजले.

गुरुज्ञानाने आयुष्यास भिजवले.

यशाची गाथा मायबोली सांगते.

प्रतिभेची व्यक्त चुणूक दाखविते.

आशा-निराशेचे जीवनभोग.

शब्द देती सन्मानाचे दानयोग.

वात्सल्याचे गीत गोऊन.

सुर-तालात बोली भिजवून.

हसऱ्या क्षणांची कधी ग्वाही.

नाचऱ्या दु:खाची शब्दाने भरपाई.

सांजरातीचा मोगरा खुलवी.

उष: किरणांची लाही-लाही.

गावोगावी रीत मायबोली,

जिव्हाळ्याची आपुलकीची जोडी.

चराचरात भाषा ओसंडूनी वाही.

घरा-घरात मायबोली बोलली जाई.

भाग्य आमचे 'मायबोली' आमची.

जन्मत: च मराठीशी नाळ जोडती.